මෙම බ්ලොග් ලිපියේ හෙඩිම දකින කවරෙකු හෝ මෙරට පළවන සති අන්ත සිංහල පුවත්පත් කියවන්නෙකු නම් මෙවන් ලිපි ඔහුට හෝ ඇයට ආගන්තුක නොවනු ඇත. රාවණාගේ ඩෙඩ් බොඩිය තියෙන ගල් ලෙනේ පටන් විජයගේ සොහොනද, කුවේණියගේ මාළිගයද, සුගලා බිසවගේ මමියද, බුදුන් උපන් තැන සිට පිරිනිවන් පෑම දක්වා ආ ගිය සියලුම තැන්ද මෙරට තුල ඔවුන්ට දැන් අපගේ අති දක්ෂ ගවේෂණශීලී පුවත්පත් කලාවේදීන් විසින් සොයා දී ඇත. ඉතිරිව ඇත්තේ වන්දනා නඩ ලෙස ගොස් වැඳ නමස්කාර කර පහන් සංවේග ඇති කර ගැනීම පමණි. මේ එම ඓතිහාසික ස්ථාන ගොඩට මගෙනුත් 'තවත් එකකි'. මෙයට පෙර කිසිවෙකු හෝ මෙය සොයාගෙන ඇත්නම් කමා කරත්වා!
උන්මාද චිත්‍රාවගේ එක්ටැම්ගෙය නොවේ නම් මෙය කුමක්ද යන පැණය මී ලගට මතු වේ. ඒ පිළිබඳව ඉඳුරා දිය හැකි පිළිතුරක් නොමැතිමුත් සෙනරත් පරණවිතාන මහතා මේ පිළිබඳව ඉදිරිපත් කරන කල්පිතය වන්නේ මෙය චක්‍රවාලකෝට්ටයක් බවය. එයින් විශ්වය නිරූපිත බවය එතුමාගේ මතය. එම අවදියේ භාරතීය සංස්කෘතියේ ආධිපත්‍යයට නතු වූ රට වල රජවරු තමන් විශ්වපාලකයන් බව කියාපෑමට මහාමේරු පර්වත ආකෘතීන් තනා ඒවාට අයිතිය කියා සිටි බවත්, මහාමේරුවට වඩා මුලු මහත් විශ්වයේම ආකෘතියක් තැනීමෙන් එම අදහස වඩාත් ඉස්මතු කල හැකි බැවින් පරාක්‍රමබාහු කුමරා මෙවන් ඉදිකිරීමක් කර සිය වැසියන් හමුවේ චක්‍රවර්ති රජකු ලෙස වැජඹෙන්නට ඇති බවත්, එය ඔහුගේ යුධ ව්‍යාපාර සඳහා වැසියන් සහ සෙන්පතියන් අතර උද්යෝගය ඇති කිරීමට ඉවහල් වන්නට ඇති බවත්ය පරණවිතාන මහතාගේ අදහස.
මූලාශ්‍ර- පුරාවිදු පරියේසණ, සෙනරත් පරණවිතාන, 1972
- අසිරිමත් පඬුවස්නුවර, සෙනරත් දිසානායක, 2016
මේ ගැන තවදුරටත් සොයා බලන්න කැමැත්තක් උපදවන ලිපියක්... ජයවේවා...
ReplyDeleteහොඳ ලිපියක්, පඩුවස්නුවර වගේම රිටිගල කරඬුපන ගැනත් ඉතිහාසය ගවේෂණය කොට ලියන්න යමක්.
ReplyDeleteස්තූතියි!
ReplyDeleteNaleen Dilruksha - රිටිගල සහ පධානඝර ගැන මම කලින් ලියලා තියෙනවා මේ තියෙන්නේ අදාල Links
1) http://trisinhala.blogspot.com/2017/01/blog-post.html
2) http://trisinhala.blogspot.com/2017/02/blog-post.html
අපේ ගමේ.....
ReplyDelete